Iso alayhissalom ko`p kulardi, Yahyo alayhissalom esa ko`p yig`lardi. Yahyo Isoga “Sen Tangrining nozik hiylalaridan uzoq bo`lganing uchun kulyapsanmi?” dedi. Bunga javoban Iso “Sen (esa) Tangrining inja, latif va ajoyib lutflaridan habaring bo`lmagani uchun yig`layapsanmi?” dedi. Hodisadan voqif bir avliyo Allohdan “Bulardan qay birining maqomi yuksakroqdir?” deb so`ragach, “Menga nisbatan yaxshi niyatda bo`lgani afzalroqdir”(Qudsiy hadis) javobini oldi. “Men qulim hayol qilgan joydaman”(Qudsiy hadis), ya`ni men bandamning tahmini bor yerdaman. Har bir qulimning ichida mening bir hayolim va suratim bordir. U meni qanday tahayyul(tasavvur) etsa, men o`sha hayoldaman. Ey mening qullarim! Hayollaringizni poklangizki, u yer mening maqomim va yerimdir, demakdir. Men Tangri bor bo`lgan shu hayolning bandasiman. Haq mavjud bo`lmagan haqiqatdan siqilaman.
 

Jalolliddin Rumiy, “Ichingdagi ichingdadur”