UzIslam.Com | Янгиликлар | Рамазон

Янгиликлар | Рамазон - раҳмат ойи

Рамазон - раҳмат ойи

(24.08.2007 13:12:29) | (1597 марта ўқилди)

Бизни инсон қилиб яратган ва имон гавҳарига мушарраф этган меҳрибон Аллоҳ таолога беҳад ҳамду санолар бўлсин!

Оламларга раҳмат бўлиб келган севимли, мушфиқ пайғамбаримиз ҳазрат Мухаммад Мустафо саллаллоҳу алайҳи васалламга салоту саломлар йўллаймиз.

Муборак рамазон ойининг рўзаси Исломнинг беш шартидан бири бўлиб, пайғамбар юборилган ҳар бир умматга фарз қилинган. Қуръони каримда: «Сизларга ҳам саноқли кунларда рўза тутиш фарз қилинди», «Сизлардан ким бу ойга ҳозир бўлса, рўза тутсин» каби хитоблар билан рўзанинг фарзлиги собит бўлган ва фиқхий асосларидан баҳс юритилган (Бақара сураси, 183-187-оятлар).

Ҳадиси қудсийлардан бирида: «Рўза мен учундир ва унинг мукофотини мен бераман», — дейилади ва рўзанинг хос ибодат ҳамда улуғ савобга эга эканлигига ишора қилинади.
Диннинг устини намоз бўлса, жамиятники - закот, руҳники эса рўзадир. Рўза руҳ шифосидир.

Ҳар бир илоҳий амрда ўзига хос ҳикмат бор. Рўзанинг барча хусусияти ва ҳикмати ёлғиз Аллоҳга аён. Бир нарса аниқки, Рамазон - раҳмат ва мағфират ойи, ойларнинг султони ва энг улуғидир. Рўза жасадга ҳам, руҳга ҳам файз бағишлайди, уни қайта тирилтиради. Моддий ва маънавий зарарлардан муҳофаза этади.

Бошқа ойларга нисбатан бу ойда Аллоҳга яқинлашиш, улуғ ажру мукофотларга сазовор бўлиш имкониятлари кўпроқ. Қадр кечасиниг минг ойдан афзаллиги, бу кечада қилинган ибодатаинг ажри минг ойлик қилинган ибодатнинг савобидан ортиқлигини бир тасаввур қилиб кўринг! Бу ойда ихлос, самимият ила тавба қилсак, гунохларимиз кечирилади, дуолар қилсак, ижобат бўлади, иншоаллоҳ! Ҳатто фаришталар ҳам бу ойда Аллоҳнинг махсус фармонини бажариш учун ерга тушадилар...

Қуръони карим шу ойда нозил бўлди. Аллоҳнинг Расули Ислом динига даъватни шу ойдан бошлади. Шу ойдан бошлаб Ислом дини зафарга, куч-қувватга, нурга тўлаверди... Шунинг учун ҳам рамазон ойи ва рамазон рўзаси бутун уммат тарафидан буюк бир муҳаббат ва айрича ҳурмат билан эъзозланади.

Бу ойда ер юзининг турли тарафидаги мусулмонлар муштарак туйғу ва муштарак қарашлар билан бирлашадилар... Бир хил вақгда очиқадилар, чанқайдилар, жамоат бўлиб тартибли, эътиқодли ҳолатда Аллоҳга таслим бўладилар, муҳаббат намунасини кўрсатадилар. Яхшилик, хайру ҳасанот барчага баробар очилади. Аллоҳнинг афв ва мағфират хазинасидан ҳар бир мўъмин ўз улуш ва насибасини олишга ҳаракат қилади. Мўмин-мусулмонлар рўза давомида руҳларини сабр-қаноат, машаққат ва қийинчиликларда тоблайдилар, Аллоҳ берган неъматларнинг қадрига етиш ҳақида ўйлай бошлайдилар...

Шубҳасиз, рўза исломнинг бошқа аҳкомлари ва ибодатлари каби жамият ҳаёти ва тараққиётига ижобий таъсир кўрсатади. Хатми Қуръон, таровиҳ ва ифторликлар мусулмонларни янада жипслаштиради, уларда меҳр-оқибат, дину диёнат туйғуларини жунбушга келтиради.
Аммо ҳайф ва ёзиқлар бўлсин ул кишигаким, шу улуғ ойни писанд қилмасдан, рўза тутмасдан муборак рамазон ойининг савоби, файзу баракотидан маҳрум қолади!

Ушбу китоб муаллиф томонидан тадқиқот сифатида ёзилмаган. У турли жойларда, турли вақтларда маъруза қилинган суҳбатлардан таркиб топган. Шунинг учун ҳам баъзи ўринларда такрорий фикрлар учрайди. Қолаверса, китобхонларга илоҳий амр ва фармонни такрорлаб, уқтириб туриш фойдадан холи эмас.

Аллоҳ барчамизни рўза ибодатини мукаммал ва ихлос билан адо этадиган тақводор ва солиҳ бандаларидан айласин. Омин! Валҳамду лиллаҳи раббил оламин.

Сайфиддин Сайфуллоҳ,
Филология фанлари номзоди,
Халқаро Аҳмад Яссавий
мукофотинииг соҳиби

Мавзу: Рамазон

2 муносабат

Мулоҳазалар пост қилувчиларнинг шахсий фикрларидир. Сайт маъмурияти улар учун жавобгар эмас.

Mikael

1. Re: Рамазон - раҳмат ойи

(03.09.2008 17:06:18)

RAMAZON RISOLASI
Ushbu risola Ramazoni Sharifning juda ko'p hikmatlaridan to'qqiztasini bayon etguvchi tuqqiz NUQTAdan iboratdir.
بِسْمِ اللّهِ الرَّحْمنِ الرَّحِيمِ
شَهْرُ رَمَضَانَ الَّذِۤى اُنْزِلَ فِيهِ الْقُرْاٰنُ هُدًى للِنَّاسِ وَبَيِّنَاتٍ مِنَ الْهُدٰى وَالْفُرْقَانِ

- BIRINCHI NUQTA. Ramazoni Sharifdagi ro'za Islomiyyatning besh rukni ichida dastlabkilaridandir. Ham Islomiylik alomatlarining ulug'laridandir..
Ramazoni Sharifdagi ro'zaning hikmatlari ko'p: ham Janobi Haqning rububiyyatiga, ham insonning hayota ijtimoiyyasiga, ham nafsning tarbiyasiga, ham Ilohiy ne'matlarning shukriga qaragan hikmatlari bor.
Janobi Haqning rububiyyati nuqtai nazaridan ko'p hikmatlaridan biri budir:
Janobi Haq zamin yuzini bir dasturxoni ne'mat suratida yaratgani va barcha anvoi ne'matani ul dasturxonda
مِنْ حَيْثُ لاَ يَحْتَسِبُ
tarzda tizgani jihati bilan kamoli rububiyyatini va rahmoniyyatyni va rohiymiyyatani ifoda egadi. Insonlar g'aflat pardasi ostida va sabablar doirasida o'ralashib, bu vaziyat ifoda etgan haqiqatni to'liq ko'rolmaydi. Ba'zan unutadi.
Ramazoni Sharifda ahli iymon birdan muntazam bir lashkar hukmiga o'tadi. Sultoni Azaliyning ziyofatiga da'vat egilgan bir tarzda shomga yaqin "Marhamat qilinglar!" amrini kutayotganday, bir ibodat namunasini ko'rsatadilar u shafqatli va hashamatli va kulliyyatli rahmoniyyatga qarshi keng, ulug' va intizomli bir qullik bilan keladilar. Ajabo, bunday ulviy ubudiyyatdan va ikromli sharafdan chetda qoladigan insonlar inson ismiga loyiq-midiriar?
- IKKINCHI NUQTA. Ramazoni Muborakning ro'zasi Janobi Haqning ne'matlariga qaragan jihati bilan ko'p hikmatlari bor, biri budir:
"Birinchi So'z"da aytilganidek, bir podshohning oshxonasidan bir vositachi savdogar keltirgan taomlar bir haq istaydi. Vositachi savdog'arga baxshish berilgani holda, ko'p qiymatli bo'lmish ul ne'matlarni qiymatsiz hisoblab, uni inom qilgan zotni tanimaslik nihoyat darajada bir ablahlikdir. Xuddi shuningdek, Janobi Haq ne'matlarining hadsiz nav'larini nav'i bashar uchun zamin yuziga sochgan va buning evaziga ul ne'matlarning haqi o'larok shukr so'raydi. Ul ne'matlarning tashqi sabablari va yetishtiruvchilari vositachi savdogar hukmidadirlar. Shu vositachi savdog'arparga bir haq to'laymiz, ulardan minnatdor bo'lamiz, hatto o'zlari loyiq bo'lmasalarda, ularga juda ko'p hurmatlar ko'rsatamiz, tashakkurlar aytamiz. Holbuki, Mun'imi Haqiqiy ul bergan ne'mati tufayli shukrga u sabablardan ko'ra hadsiz darajada loyiqdir. Xullas, Unga tashakkur aytish u ne'matlarni to'g'ridan-to'g'ri Undan deb bilib, u ne'matlarning qiymatiga yarasha taqdirlash va u ne'matlarga o'zining ehtayojini his etash bilan bo'ladi.
Xullas, Ramazoni Sharifdagi ro'za haqiqiy va xolis, ulug' va umumiy bir shukrning kalitidir. Chunki boshqa vaqtlarda - majburiyyat ostida bo'lmagan insonlarning ko'pi haqiqiy ochlikni tanlarida his etmaganliklari uchun, ko'p ne'matning qiymatani idrok etolmaydilar. Bir to'g'ram qotgan nonning ne'matlik darajasi to'q odamlarga, ayniqsa ular boy bo'lsalar tushunilmaydi. Holbuki, iftor vaqtida u qotgan non bir mo'minning nazarida ko'p qiymatli bir ne'mati Ilohiyya bo'lishiga quvvai zoiqasi shahodat etadi. Podshohdan to eng kambag'algacha har kim Ramazoni Sharifda ul ne'matlarning qiymatlarini anglash orqali bir shukri ma'naviyga sazovor bo'ladi.
Ham kunduzi yeyish-ichishdan man' etilishi jihati bilan: "Ul ne'matlar mening mulkim emas. Men bularning tanovulida hur emasman. Demak

Баҳо: 1 |

Mikael